De Mánchester só queda
unha pel seca
que se retorce nos bordos
deixando ao descuberto
unha superficie branca, lisa
neste hábitat monosilábico
Dan, Tom, Jack, Brad
os meus dous nomes e apelidos
foron unha substancia inmiscible
así no momento da partida
o escritorio branco
o chaveiro frío e rendido
a taquilla baleira na que non deixo
nin o pó dos meus pasos
todo é só un cacho de xeo branco
do que coa inminente chegada da primavera
non ha quedar nin a sombra
dunha pantasma
nin sequera a pintada dun adolescente
na porta do baño
“por aquí pasou un estranxeiro”
nada
Winter’s farewell
Of Manchester only remains
a dry skin
that curls at the edges
leaving it exposed
a white, smooth surface
in this monosyllabic habitat
Dan, Tom, Jack, Brad
my two first and two last names
were an immiscible substance
so at the time of departure
the white desk
the key ring cold and surrendered
the empty locker in which I do not leave
even the dust of my steps
everything is just a block of white ice
of which with the imminent spring arrival
there will not be even
the shadow of a ghost left
not even a teenage graffiti
at the bathroom door
"a foreigner was here"
nothing
abel abilheira 