A cociña de leña (gl – en)

Pola cámara vexo que te levantas e botas un pau máis na cociña de leña do noso fogar na tormenta 
volves á mesa e o son do lume envolvendo a madeira ponlle música de fondo á nosa conversa
os estralidos van gañando espazo e envolvendo as palabras que pasan a desaparecer tragadas tamén polas chamas

Paseniñamente, retrocedo máis de corenta anos ata o momento no que as herbeiras e os montes eran o noso terreo de xogo
e durante as grandes aventuras que alí corriamos con aquel degoiro no peito por descubrir todo o fantástico que a natureza acubillaba
os pes ían enchoupándose de orballo e as mans entumecéndose pola xiada
ao finalizar a expedición, ou ao aproximarse a hora da comida, o que primeiro chegase, volviamos á casa vella centro do noso universo infantil recibidos pola calor e o arrecendo doce da pota co leite das vacas a ferver; sentabámonos no banco corrido atrás da cociña de leña, o corazón da casa, o lugar máis confortable da Terra
e cunha culler recolliamos a tona do leite nunha rebanada do molete
empoada logo con azúcre era o mellor postre que se puider imaxinar

O noso fogar hoxe ten tamén un corazón quente onde sentirse protexido e querido mesmo no medio da treboada. O amor que se aprende de pequeno non se esquece máis.

The wood burning cooker

By the camera I see you get up and throw another log in the wood burning cooker of our home in the storm
you come back to the table and the sound of the fire enveloping the wood puts background music to our conversation
the crackles are gaining space and enveloping the words that are disappearing also swallowed by the flames

Slowly, I go back more than forty years to the time when grasslands and hills were our playground
and during the great adventures we ran there with that thirst in our chests for discovering all the fantastic that nature sheltered
our feet were soaked with dew and our hands were numb from the frost
at the end of the expedition or when it was time for lunch, whichever came first, we returned to the old house in the center of our children's universe, greeted by the sweet smell of the pot with boiling cow's milk; we sat on the long bench behind the wood stove, for us the heart of the house and the center of the world
with a spoon we collected the milk skin in a slice of galician country loaf - then sprinkled with sugar was the best dessert imaginable

Our home also has a warm heart today where you can feel protected and loved even in the middle of a tempest. The love you learn as a child is never forgotten.